التدوين للكتابه و ليست الكتابه للتدوين

ما هو اصل انا لازم اكتب , يعني مش حتى المدونه كمان حسيبها .
طب اكتب عن ايه ؟ من ساعه ما بدات الثانويه العامه و انا مخي بطل يفكر دي مفعولها فوري !ء
طيب بنت عندها 15 سنه و في ثانويه عامه حتكتب عن ايه؟ اكيد عن الدراسه
روتين حياتي عادي جدا كل اسبوع بيعيد نفسه تاني ده حتى في الايام في الاسبوع بتتكرر مرتين , الاثاره الوحيده اللي بتحصل هي وجود امتحان ما في اخر الاسبوع و دي حتى اثاره مش ممتعه خالص .
الميزه الوحيده ان انا بروح الدروس كل يوم و بشوف ناس قدي , فعلا التشابه في الظروف بين الناس بيقربهم من بعض , يعني انا لما كل يوم اشوف بنات قدي و عايشين حياه مشابهه لحياتي و بيعانوا نفس المعاناه بحس كانهم قرايبي .
بس لا الثانويه العامه دي مرحله الكل بيمر بيها و بيتهيالي اني حتن فاكراها دايما فلازم افتكر فيها حاجات حلوه و بعدين انا مجبره عليها سواء حبيتها او لا فالمفروض احاول على قد ما اقدر ابلعها

ملحوظه :1 - دي تدوينه مؤقته عشان مبقاش سبت المدونه و انتظروا قريبا تدوينه بجد
م2 -معلش لو التدوينه غلسه بس انا المره دي باكتب لادون و لست ادون لاكتب